الموضوع: هل فعلا الحياة الحلوة ؟؟؟؟؟؟

أنا بفيق الصبح
والله لو عندي جبل من الهموم
بفيق بتمي أبتسامة وبللش مقالب برفقاتي وأنا عم فيقون على الإجتماع الصباحي وخدو ضحك
البويا عبت الوشوش

الحياة كتير حلوة
فيق الصبح صلي الصبح
فنجان قهوة مع الشباب أو لحالك مو مشكلة بس يكون الجو مناسب
شوية روايات وقصص وحكي حب وغزل
ولسا إذا متزوج أحلى وأحلى
أنت ومرتك عند هالصبح مع فنجان القهوة بينسيك هموم الدنيا ومافيها




كل كلشي وراك ومشي وعيش كليوم بيومو

الحياة حلوة .. الحياة عاديه

نحنا الي منخلق فيها المشاعر

ونحنا منخلق فيها الحلاوة او الحزن او الملل او او او

نحنا منكيفها على هوا ادراتنا

صح القدر هو الي بتحكم بكتير امور بحياتنا

متل المصايب والامراض والفراق ووو كتير اشياء

بس روحنا هي الي بتقرر

تتجاوز هالمرحلة او تتقوقع على نفسها وتسكن بالحزن

نحنا منقدر نكيف انفسنا بالطريقة الي منحبها

ومنقدر نتعامل مع الامور ببعض المرح

حتى لو داخلنا حزين

منقدر نتجاوز شوي من هالحزن

او بمعنى اصح

منقدر نتناساه شوي

بأختصار الحياة شيء مجرد

نحنا منكسبو الحلاوة او الحزن والألم

تقبل مروري

والله يجعل كل ايامك حلوة

يسلموووووووووووو
بس هالحياه والله احترنا فيها أوقات حلوة وأوقات بشعه

الحياة هية الحياة ما بتتغير من وقت بدأت لحد هي اللحظة
بس طريقة الناس بالحياة وطريقة التفكير هية يلي تغيرت
الحياة نحنا منخليها حلوة ونحنا منخليها حزينة وتعيسة

التفكير بالماضي باللحظات الحزينة من فراق أو فقدان عزيز أو.. أو..
بخلي الأنسان دائما حزين وتعيس
لازم على طول ننظر للمستقبل و نتفائل ( تفاءلوا بالخير تجدوه )

وأهم شي نكون صادقين بمشاعرنا مع الله تعالى وقريبين منو ( كن مع الله ولا تبالي )
مافي أحلى وأطيب من لذة العبادة و التقرب من الله وخصوصا في السر بينك وبين حالك

لازم الأنسان يحاول يكون إلو إنجازات بالحياة لأن النجاح والسعي وراء النجاح من أمتع اللحظات

وكمان أدخال السعادة لقلوب الناس الحزينة من أروع اللحظات يلي بعيشها الأنسان
( من أجمل الأشياء أن ترى شخصا يبتسم .. و الأجمل أن تكون أنت سبب أبتسامته )

الموضوع كتير مهم و الكلام كتير بس يعني حاولت وضح بعض الجوانب من الموضوع

شكرا عالطرح
بتمنى ما كون طولت ومللتكن؟؟ وصير انا سبب الملل بحياتكن

تقبلوا مروري بكل ود