البارحه ليل الهواجـس قـام يجتـاح الفصـول


الغى مواعيد الشتـا واحـرق بقايـا الياسميـن



المشكله سهله ولكن يـا تـرى ويـن الحلـول


وين انت يا عبد المعين ان كان لك قدره تعيـن



قامت سوالف بعض خلق الله على الفاضي تطول


والدرب واضح ما يبـي لفـه يسـار ولايميـن



لكن شتات الفكر يخلـف ماتبقـى مـن عقـول


ووقت الفراغ يسبب الفوضـى لكـل العاطليـن



حتى المهاه اليوم صارت ند تطمـع فالزحـول


اخر زمن فيه الشكوك تعوم فـي بحـر اليقيـن



يـا وردةٍ فاخـر لياليهـا تغشاهـا الـذبـول


لايام مـرت فايتـه اصبـح يعاودهـا الحنيـن



علامة استفهام ضاعت فـي عبـارات الذهـول


تشرح لكل الحاضرين اسـرار بعـد الغايبيـن



ماني ضعيفٍ وارتجي من بعض خلق الله قبـول


لي كلمةٍ لا قلتهـا تثبـت علـى مـر السنيـن



صريح واضح موقفي واذا بغيـت اقـول اقـول


ولاهمني اطلق شنب بيـن الرجـال الحاقديـن