"ياشبابنا فى مصر


ليه مانكونش نجوم العصر


ليه مايكونش فى إيدنا أمانه


نسبق بيها شعوب ســـبقانه ؟


ليه تخلونا محل إدانه


وأحنــا فى عالم مابيرحمش


أتعلمنا وأتربينا معنى الدين


مانبقاش حياللا ومش فاهمين


أمتى يحين الوقت نغيّر


وتبــان قدرتنا على التغيير


مانقولش ضميرنا مات وأنتها


علشان نزوة..وبتضيع فى وقتها


الله يلعنِك يا كل لحظة ضعف


ويلعنك أنت كمان لوما لعنتهــــا


اتحدى ضعفك بــ خوف ضميرك


الضعف هيزلك زى مازل غيرك


لما أنجرف فى تيارات الغلط


مرة يسوق فى التحرش باللبط


ومرة يشوف فى البانجو متعته


واللى ماسك سيجارة تآنس وحدته


واللى غرامة يناكف خلق الله


بكل بجاحه ولا مبــــــالاه


إمتى نقول دا ربه هداه


كتر المال فى إيدينــا مش نقمه


لما ندوس كرامتنا وننسى النعمه


اللى يبيع صحته بالماكس


واللى أستعجل موته بالفاكس


واللى يصيبه الصرع إن هاج


جــاى مقضى وجوده إزعاج


لا يخليك فى الشارع تمشى


ولا فى البيت يدينا آمــــان


لحد مابقى الغلط غييه وإدمان


مانابه غير البهدلا وكتير يتهان


بعد ماكان زينة الشباب وخل للخلان


بقى ندمان وياريته يقدر ينطقها


ويقول ياريت اللى جرى ماكان


عيد ياشباب قوتك


وافرش أمالك ضل


ماتسيبش طريق جنتك


لـ سكك الدمار والغِل


قوم ياضمير البشر


اصرخ وثور ع الخطر


ماتسيبش شبابك يتغدر


شاور له ع الأحلام


واسعى لجراحه تطيب ، وتتلم"