لاتنشد من بعيد ولاتزيد


كنز من دون الثلاثه ماتباع


كنز ماهي جمرة ٍ في كف ليد


غير ناموس ٍ مع اهل الهجن شاع


لايسوم اللي ضلوعه من جريد


من يفتش للوسوم وللضلاع


لا يسوم الا حد ٍ ضلعه حديد


يكتب الشيكات عاد اسمي يذاع


لاتكاسر زود ياساع البريد


انت مخبا الشيخ منت بله دفاع


ان بغاها الشيخ جاته دون قيد


قبلها حن لا بغانا له ذراع


لو نطرشها علئ ملة ثريد


ما نقص من ملكنا لو ربع صاع


كنز ماتبغي مخلص لو تعيد


راجع الرابط قبل يبدا الصراع


يوم قام الشوط كنه جول صيد


مثل ادامي عاثي ً فيها سباع


لاحقتهم دون اوامر من بعيد


قد نصيفة هجن خلق الله شباع


ويوم سيقت جاكم العلم الوكيد


وحظنا الطيب حسم تالي النزاع.


نشتري الناموس لو خلي الرصيد


ونطلب التوفيق ونفل الشراع


خلها ترتاح وانا المستفيد


عادها اغلا فاللقايا والجذاع