شعراء العصر الحديث

قصيدة بيني وبينه الشاعر خالد المريخي

يا بو فهد لا صرت تنشد عن الحال … حالي بها ياخوك عشرين علّه

لي صاحبٍ يسوى ثلاثين رجال … كـــلٍ شهـــد وآنا بعد شـــاهدٍ له

طيّب ، وفي ، كريم في كل الاحوال … ومن عاشره اقسم قسم ما يملّه

كنت آتعذر له إذا زل أو عـــال … بــيني وبـينـــه مـــا تجي أي زلّه

مـــا كنت اظنه يسمع القيل والقال … إلين مــــا قفّى وانا مقبـــلٍ لّه

كشّر بوجهي واحسبه ضايق البال … واقول في نفسي : مهي عادةٍ لّه

اثره سمع يا بو فهد هرج الانذال … حطوني ابغضته وانا منصحٍ لّه

واليوم ابيك تحلّها وانـــت حلاّل … يا سيفي اللي لا تضايقت اسلّه

يا طيب فعلك يوم اطالع بالافعال … انا اشــــهد ان اللي يغلّك تغلّه

يا بو فهد كنّ المراجل لك عيال … والطيب كنّه عود وانت ولدٍ لّه

التعليقات

اظهر المزيد
زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock