الشعر / دمع وذنـب وجـروح وهمـوم


الشعـر / صـوتٍ لا فقـدتـك كتبـنـي



شفني ثلاث شهـور مـرت الـى اليـوم


مقـدر اقــول الا فـراقـك غلبـنـي



والنوم وين النوم ..؟؟ يا ( حارس النوم )


و سهـر الليالـي لجـل عينـك نهبنـي



والكاهـل اللـي بانـت بطولـه وسـوم


كـل ٍ علـى الرفقـه بحـالـه طلبـنـي



ما ابكي علشانـك / ولا ابكيـك مظلـوم


ابكـي علـى يـوم ٍ تركـتـك نكبـنـي



علمتنـي كيـف الشقـا يلبـس هـدوم


وعلمتهـم وشلـون ذكــرك سلبـنـي



لا مر طاري كيـف انـا آطيـح وآقـوم


حبك علـى ( سـوق المنايـا ) جلبنـي



ياليت غيري بـاع واقـدر انـا آسـوم


لـو ان مثلـك لا انهـدم شـي يبـنـي



ادري خسرتك بـس حاصـل ومقسـوم


هذا البخت في شـوف غيـرك وهبنـي



خلصـت والا باقـي ٍ عـنـدي عـلـوم


وآآلله مـدري بـس / جرحـك عطبنـي



والشعر هـذا الشعـر ضيقـات وهمـوم


حتـى اليـا مـن طحـت بعـدك كتبنـي