آه من طعـم الغيـاب المـر يـوم آذوقـه


أحترق في داخلي والعـن غيـاب احبابـي



وآآه من ثقل السهـر واللحظـة المخنوقـة


فـي خفايـا دمعتـي وغيابهـا وغيابـي !



وآآآه من فرحة زمانٍ سارقـة مسروقـة !


علمتني كيف اعيش الحلـم خلـف ابوابـي



وآآآآه من حزنٍ على عمري تميـل عذوقـه


شايله لا ينكشـف لمرايتـي واصحابـي !



تركض الدنيا وبعضي مـا قـدرت اسوقـه


والضياع يحدني منّا ... ومنّا مايلات اطنابي



ياحبيبـة قلبـي استسمـح هـواك وشوقـه


شفت ضعفي ف اصبعي من قو عضة نابي !



سامحيني لو يموت الصبـح قبـل شروقـه


لا انولد ليل الجروح الساكنـة ف اهدابـي



سامحي قلبٍ يشوف الحب وسـط عروقـه


يوم غنيت الوجع واثر الوجع غنـى بـي :



آه من طعـم الغيـاب المـر يـوم آذوقـه


من عذابي يوم قمت العـن غيـاب احبابـي