لو كنت عن بـدع المثايـل فـي عـزوف


مـن هـول ماصـاب الشـعـوب الامنـيـن


ومن زحمة الساحه ومن قرع الدفوف


ومــن كـثـرة الشـعـار والمستشـعـريـن


ومن زحمة الدنيا ومن ضغط الظروف


ومـن صدمـة الواقـع ودورات السنيـن


الله يـديــم الامــــن ويــلــم الـصـفــوف


ويـعــز حـكــام الـخـلـيـج المخـلـصـيـن


والمـدح للـي حـط لـي فــوق الكـتـوف


جـمـيـل وكـتـوفـي مـهــي بالاخشـبـيـن


بمدح مـن افضالـه علـي مثـل القنـوف


شـــي خـفــي وشـــي تـــو النـاضـريـن


مواقفـه لــو تنحـسـب طـافـت الالــوف


تـحـتـاج كـتــاب وكـتــب و مـؤرخـيــن


ولو تنكتـب تملـى المكاتـب و الرفـوف


وانــا وهــم رغــم الجـهـود مقصـريـن


مدحك يابو خالـد علـي ملـزم واشـوف


انــه لـزومـن كــل مــا شـفـتـك وديـــن


يـا فزعـة المظلـوم يـا سـتـر الهـنـوف


يـا نـجـدة الغـرقـان وافــراج السجـيـن


يا محزم المضهود يا منصى الضيوف


يـا منقـذ المطلـوب يــا ملـجـى الزبـيـن


عقلـك هـو الميـزان وايديـنـك سـيـوف


وصـدرك بـحـر والا مواطـيـك اجبلـيـن


اتـشـف للمحـتـاج وتـصـيـد الـشـفـوف


وكفـك نهـر يسـقـي الفـقـارا الهالكـيـن


فـي مشيتـك هيبـه وشـامـخ فالـوقـوف


ولك نظرة منهـا العظـم يصبـح طحيـن


قلـبـك حـديـد وقـاسـي مـافـيـه خـــوف


الا مـــن الله ينـكـسـر خـــوف ويـلـيــن


ودمـعـك قـريــب لليـتـيـم و للـضـعـوف


وتـواضـعـك خـــلاك فـــوق الفـرقـديـن


والله مــا يوفـيـك شـعـري والـحــروف


لـو تعجـب النـاس وتـسـر السامعـيـن.