ومعذوره


عشان الصوره مش واضحه


وخلطوا الدمعه بالفرحه


و قالوا سنين عجاف جايه


بعد سنين عجاف رايحه


واكيد خايفين


وخطوتنا بترمينا


ومش عارفينها رايحه لفين


ويا صدام ومُجابهه


مابين إخوان وسلفيين


وبين إنقاذ


سرقونا في ميتين جبهه


ولا عرفنا


مين اللي أخدها هناك


ولا مين اللي كان جابها


وفجأه الشعب بقى اتنين


على طريقين


وبيخاصمونا على روحنا


وبيقايضونا في جروحنا


ومسموحنا


بقى مشروخ


في اتجاهين


ياصاحب صاحبي في امبارح


ومش قابل تكون صاحبي


ف بكره الجاي والطارح


أمل بساتين


واقول يامين


ذنوبنا ياصاحبي وآثامنا


في رقبة اللي قسمنا


إلى فريقين


فريق بياخدنا أقصى شمال


وفريق بيجيبنا أقصى يمين


وإبكي ياعين


على الصوره اللي في البرواز


ومكسوره


وكأنه انجاز


نعيش ألغاز


وانتي بلغزي مبهوره


وديك أمك عشق مسرور


ومسروره


بوش قزاز


بتحكيلنا في حدوته


بلحن نشاز


بتقريه برضه ع النوته


ومبسوطه


وافقتيهم على موتي


وبس خلافكوا كان في طريقة الموته


واقولك إيه ؟


ماعدش كلامنا يوصلك


برغم عيونا باصالك


ودمعه نازله مقهوره


ومعذوره