من خلف قضبان السهـر حسيـت باحسـاسٍ يفـوق


مرارة الواقع وضحـك الحـزن ف شفـاه القصيـد



قمت اندهك بين الليال المورقـه ف اغصـان شـوق


آخر حروفـك ينتهـي وابـدا ف الاول مـن جديـد



ما تسمعيـن القلـب أو مـا تلمحيـن اللـي يتـوق


مـا هزتـك صرخـه وونّـه ذوبّـت قلـب الجليـد



انا احترق خلف السحاب الممطـر النـازل ل فـوق


انـا انتثـر مثـل الرمـاد بليلـة الريـح الشـديـد



قرّبت اموت من العطش قرّبت اموت .. وليـش اذوق


ملـح البحـر وانتـي غديـرٍ فيـه نشواتـي تزيـد



انـا حبيبـك واحتضـر روح وأحاسيـس وخفـوق


مــدّي يديـنـك للحبـيـب ولا تخليـنـه بعـيـد



كيف النخل يقـدر يعيـش ب حلـم تنسـاه العـذوق


دام السواقـي شحـت ب ماهـا وهالماطـر زهيـد



حبيبتي يا الطف وارقّ مـن النـدى قبـل الشـروق


شربت حزني 1000 مره قبـل احـس انـي وحيـد



ماني مصـدّق.. صدقينـي .. كيـف دنيانـا تبـوق


الحلم والضحكات واللحظـات .. لكـن وش يفيـد !!



هـذا أنـا مانيـب انـا واتأملّـي سبـع الـفـروق


ما عاد باقي بي سـوى الدمعـات والمـوت الأكيـد



استسمحـك حبيبتـي ب امـوت لكـن لا يــروق


بالك بعد موتي .... ولا حتى ب بهجـة يـوم عيـد



بابيع هالدنيا واب اشري صـوت بالشـوق مخنـوق


باموت ...... لكن ... طالبك ... لا يشغلك حبٍ جديد