"اغنية اخ قلبي

صارلي هوايه ما ضاحك من كل قلبي
اعرف الضحكة دربها غير دربي
دنيا ما حصلت منها غير تعبي
اخ قلبي
مالي خلق لأي إنسان
ضايج وكلش تعبان
الناس صارت بس لسان ومحد يدوم
مالي واهس اسمع شي
اي حكي ما صدق بيه
اني بيه الهم يكفي وشابع هموم

ما وفى وياي بحياتي بس جروحي
حاير لغيري أضحي وناسي روحي
واضح وجتني المشاكل من وضوحي
اخ قلبي
وليش أعيش بهذا المود
دمعي ما خلالي خدود
لايردها ايام السود
ياما عانيت
هوايا من أيامي راح
عشت بس هم وجراح
اني هم اريد ارتاح
والله مليت

صارلي هوايه ما سامع كلمة حلوه
تعب جايبها بتعب كل يوم بلوه
الدنيا من قد القهر صارت متسوه
اخ قلبي
خلص ما عندي نقاش
لان قلبي بكذبة عاش
الحكي صار ابلاش
وياما يحجون
اسمع وما دير بال
شفت من عدهم اشكال
هذا يحجي وذاك قال
وما يرحمون


غناء : ماجد المهندس

كلمات : قصي عيسى

الحان : علي صابر

توزيع : حسام كامل

مكس : حسام كامل

ماستر : جاسم محمد

السنة : 2016

البوم : اخ قلبي

"