"اغنية اشكر الله


اشكر الله لك عطاني ياللي تعني لي الكثير
حتى عمري شوية عمري لو اقول انه فداك
وقلبي من فرحه وشوقه وده باحضانك يطير
اه لو تدري غناتي فيني ش مسوي هواك
كل مرة تقول احبك طعمها ياتيني غير
ياعساني يا حياتي ما انحرم لحظة لقاك
عشقي لك ماله نهايه عشق محسوم المصير
انكتب قلبي باسمك ياللي كل همي رضاك

من عرفتك وانت قدرك دوم بعيوني كبير
يالقمر عالي مقامك ما وصلوا لي مستواك
ما ابي غيري حد يشوفك والله انا بجنون اغير
مير خابرها كبيرة ما خلقت لاحد سواك
من عرف مثلك تمنى تصير له خل وعشر
وانه ما يفارق خيالك في صباحك مع مساك
انت وجه الخير وكلك مالي دنياي خير
ولو اسوي ما اسوي ما اوفي لك جزاك

يا اجمل اقداري تراني والله احتاجك كثير
والامان اللي بحياتي ما حصل الا بوفاك
يا عشق روض الغلا عالقلب لك فرشه حرير
ما درى بسرك سوى اللي حط في وسطه غلاك
اغفى على همساتك اللي ترد روحي يالامير
واصحى على نور شمسك انت يا احلى ملاك
العمر بمشيه صوبك واعشقك لين لاخير
وكل منايا يا هنايا اني اصبح لك هناك


غناء : راشد الماجد

كلمات : اصايل

الحان : فايز السعيد

توزيع : زيد نديم

مكس : ماجد صالح

السنة : 2016

"