"اغنية اقفا

اقفا وجافاني وصد وقلبي من اللده جهد
أصفق يميني بالحسف لا نوم ذقت وفي سهد

اقفا وعيني تحترس زوله علي البعد إمتلس
شمس وغابت في غبس يا وجد منهو في صهد

اقفا وخلاني بهم ساطي علي صدري جثم
أرضف ونيني م الغثم والحال من غبنه يهد

اقفا وتناسا ما حشم ذيك المواثق واللزم
أنكر عهوده والقسم ما صان لزمه والعهد

اقفا وظنه قد غلب يمناه تملك ما طلب
والراي في قفيه صعب مأفون في فعله رهد

اقفا ومشيه في الغتل لاصد جاف ولا إستدل
وإن قلت هودك لاعجل أشر بكفه مستهد

اقفا وغره من صباه حسن التهيا والزهاه
مجلود خصر وبه زماه والعين صوبه تجتهد

اقفا وغره ما سمع طرق المدايح بالدلع
كل وفي شفه سجع مفتون يترجا الشهد

اقفا وأرخص ما وزن أقفى وعينه في حزن
ماظن ظن إلا وهن ياعثر حظه ولهد

اقفا وتابع له شوير والقصد ما يخفي غتير
لي شاف حاله في المسير أيقن بأنه في ضهد

غناء : فؤاد عبدالواحد

كلمات : سعيد بن ثاني ال مكتوم

الحان : عادل عبدالله

السنة : 2017

"