"اغنية اقوى من الغربه

اقوى من الغربه ترى غربه الروح
لا صار قلبك كله هموم وجروح
اعيش هايم بين الاحزان وحدي
ماقوى على همومي ولا قوى على البوح

ولا قوى على لوعات تالي زماني
وقتي من افراح الليالي عصاني
كني غريق اصارع الموج ياصاح
ليه الزمن ياخذ ولا قد عطاني

تاه المسافر في خطى الدرب وحده
له في السهر والحزن مده ومده
يالله دخيلك من تصاريف الايام
ويالله دخيلك لا صبح الوقت ضده

هلت دموع العين والقلب به ويل
ولا عاد بي ياسيدي في العمر حيل
راحت سنين العمر والهم ماراح
اجاذب الونات ليلن عقب ليل

انا اطلبك يارب ترحم بحالي
وتعين قلبي من صروف الليالي
العمر لو هو طال لابد من يوم
راح العمر وانا احسب اللي بقالي

غناء : علي بن محمد

كلمات : نهار

الحان : علي بن محمد

توزيع : مراد الكزناي

مكس : جاسم محمد

ماستر : جاسم محمد

السنة : 2021

البوم : اقوى من الغربه

"