"اغنية اكثر من روحي

اكتر من روحي باحبك بحقيقي باحبك اكتر
وشعوري بحبك اكبر من انه بشئ يتقدر
ولا كل لغات الدنيا تقدر عن حبي تعبر
وغنايا بكلمة احبك بالنسبة لدرجة حبك رمز صغير مش اكتر
اكتر من روحي باحبك
وتصور حب الازهار لربيعها يجي يزوق ويعطر
حب الاشجار وفروعها للندى ف الصبح يقطر
حب الاطيار ف عششها لصغارها لحد ما تكبر
وتصور حب الفراشات طيرانها على لمحة نور بتنور
تصور كل ده كله تلاقيني باحبك اكتر
اكتر من روحي باحبك
وتصور حب الشاعر للمعنى حب الرسام للمنظر
حب الكروان للمغنى بالليل لوليف مستنظر
وتصور حب السهران للنجمة تونسه على قد ما يسهر
حب الحران للنسمة ف الصيف والجو محرر
تصور كل ده كله تلاقيني باحبك اكتر
اكتر من روحي باحبك
وتصور حب المخلص لحبيبه اللي ولا بايه يتغير
حب المؤمن لنصيبه للقسمة والمتقدر
وتصور حب الانسان لوجوده لو حس بعمره بيقصر
حب الشبان لاملها حب الاطفال للسكر
تصور كل ده كله تلاقيني باحبك اكتر
اكتر من روحي باحبك

غناء : لطيفة التونسية

كلمات : عبدالوهاب محمد

الحان : عمار الشريعي

توزيع : عمار الشريعي

السنة : 1988

البوم : اكثر من روحي

"