"اغنية السالفة

قم علم الصبح وش البارحه قلنا
خله يقول لعواذلنا تصافينا
حتى يعرفون يوم إنا تزاعلنا
نبغي نزود قهرهم لا تراضينا

حنا شربنا الغلا حتى تمايلنا
من نشوة الحب تدفعنا خطاوينا
نكسب تعاطف هل الحب بتعاملنا
وهروج حسادنا ما أثرت فينا

ياما وياما حكوا لاكن تجاهلنا
تلامس إحساسنا يسبق خطاوينا
من من بدهم في الوفا حنا تأهلنا
كسرت يدين التجافي من تسامينا

يا بحر كان انت في موجك تساهلنا
في الحب نبحر ونمسي في موانينا
روض المحبين محمي في مداهلنا
وزهور الأشواق تنبت في مراعينا

روض المحبين محمي في مداهلنا
وزهور الأشواق تنبت في مراعينا
حنا حنا الشرف والنقا ونشرف أهلنا
عن الرذيله على النايف تعلينا

يا ظامي الحب أروتنا مناهلنا
إذا طوانا هجير البعد تسقينا
والسالفه كلها يوم إن تزاعلنا
كله على شان يقهرهم تراضينا

غناء : راشد الماجد

كلمات : حمدان بن محمد بن راشد ( فزاع )

الحان : فايز السعيد

السنة : 2008

"