"اغنية انا

انا في وقت احس اني بحاجة فيه للفرحة
خبر يسعدني او شخص يهمه يسمع اخباري

وانا لي قلب ياصبره تحمل ضيمه وجرحه
وانا لي بال ياطوله تمكن يخفي اسراري

وانا اللي نظرة عيونه تموت وماقوت فضحه
ولو دمعي نوى ينزل بنيت بوجهه اسواري

مابين العزه والحاجه وضيقت صدري وشرحه
اموت الفين مره مالقيت لهمي امداري

مصير القلب لو طول ظلامه يلتقي بصبحه
وشمسه ماتبقي من ظلام البارحه طاري

احاول ارمي الماضي وراي واطوي الصفحة
وادور للي فات اعذار الين استنزف اعذاري

ولاغير السعادة في ملامح وجهي متضحه
كاني اسعد العالم وانا ياصعبها اقداري

اموت ومايجي وجهي من الذله ولا لمحه
ولو قالولي ياعزك بقول ايه والله وداري


غناء : فهد العمري

كلمات : عبدالله الوعلان

الحان : فهد العمري

توزيع : علي خفاجي

مكس : جاسم محمد

ماستر : جاسم محمد

السنة : 2021

"