"اغنية اوصافك عجب

يا طويلة عنق ميذوبة حشى ردف وقطاه
يا تضاريس الجمال وكل ما ربي وهب
إن مشيتي مشي عز وخصر متناسي اعشاه
ما لعب في عودج المياس يا غير المهب
إنت إنت كل شي في كل شي لاخر مداه
وإنت إنت كل شي في كل شي لكن صعب
يا نعومة خد طفل كل من باسه دماه
إنت في وصفك كبيرة وأصغر أوصافك عجب

إنت يا كل الجمال وكل معنى للحياة
يا حياة الشاعر إلي قبل شوفك ما كتب
ويوم شافك صرتي إنت كل ترنيمة غناه
ما طلب مثلك وجيتي كن متمني وطلب
سولفي خليني اسمع صوتك وبحة غلاه
ويا حلاة حروف مرت بين شهدك والعنب
يا فديتك وإنت عمري مبتداه ومنتاه
وقبل أعرفك ما هو عمري بس وياك انحسب

إنت أغلى من عرفته وأغلى من قلبي هواه
وإنت أغلى من عشقته وأغلى من قلبي يحب
ما أبي غيرك ولا أفكر ولا أدور رضاه
يكفي إنك في حياتي صبح ما عمره غرب
هاتي كفك فوق كفي خلي يروى من ضماه
لان كفك به أمان ولا ضما كفي شرب
وإن سألتي كم أحبك كبر هالكون وفضاه
وكثر قلبي في غيابك حس بالبعد وتعب

غناء : فؤاد عبدالواحد

كلمات : سالم حمد بن كردوس

الحان : غيث محمد

توزيع : زيد نديم

مكس : جاسم محمد

ماستر : جاسم محمد

السنة : 2020

"