"اغنية اوف منه قلبي

جنت ما صدك كلام الناس بالحب
والقدر لو جاب الك محبوب صدفه
جنت احس الشمس من تغيب أغيب
وتحضن امالي الوساده حتى تغفه

انته من وين اطلعت
قبلك اني ما عشت
عمري ما شفت اني راحه
وغير همي ما شفت

لكن انته من اجيت
رفت عيوني وبجيت
مدري والله شصار بيه
من عليه سلمت
اوف منه قلبي
ضاع والله تعبي
راح ذاك تعبي

مأمون :

اني هم قبلج حزين الصفنه بيه
وعيني نجمه وتيهت درب المدار
بنص محطه وخلصت وكتي وحيد
شاب راسي ولا لحكت اخر قطار
ولما شفتج مطرت الدنيا عواطف
وربعت صحرا المشاعر بالخضار

أصيل :

إنته كذبه لو حلم
فدوه ما ريد انصدم
ربي لا يحرمني منك
وعسى منك منحرم

إنته من اللحضه هاي
ما تشوف الا غلاي
ولا اشوفن غيرك انته
ولا يجي بعدك مهم
اوف منه قلبي
راح والله تعبي
راح ذاك تعبي

مأمون :

انتي من هاليوم وحدج شهرزادي
واني وحدي بعينج انتي شهريار
ياحلاة البسمة من أجمل شفاة
ويا جمال الأبيض الشابه سمار
ياقراري اللي اتخذته بكل قوايه
والحمد لله على هذا القرار

غناء : اصيل هميم

كلمات : مامون النظاح

الحان : مصطفى ابراهيم

السنة : 2018

"