"اغنية بالضحكة دي

بالضحكة دي قلبي متعلق
دي صورتها في دماغي بتعلق
لو اقول دي احلى ما في الدنيا
مين بعد الجمال ده هيعلق
بالماشيه دي كله يتعلم
اهي دي اللي على الكل هتعلم
لو اقول دي احلى مافي الدنيا
مين بعد الجمال ده يتكلم
مظبوطه ظابطه مفيهاش غلطة
مفيهاش تلت التلاته كام
مش بجاملها ولا بجملها
دي حاجه مش محتاجه كلام
والنظرة دي فيا بتاثر
وده حلم عمري بيتفسر
لو اقول دي احلى مافي الدنيا
مين ده اللي يعارضني هنهزر
مرسومه رسمه وعليها بسمه
تتفتح قصادها الببان
وبتتهادا كله الا دا
انا مش قد دلعها كمان
والنظرة دي فيا بتاثر
وده حلم عمري بيتفسر
لو اقول دي احلى مافي الدنيا
مين ده اللي يعارضني هنهزر

غناء : عمرو دياب

كلمات : عزيز الشافعي

الحان : عزيز الشافعي

توزيع : اسامه الهندي

السنة : 2020

"