"اغنية بنيجي للحياة صافيين

بنيجي للحياة صافيين
بنسبة مية في المية
ولا حاقدين ولا كارهيين
قلوبنا كانها مية
وفي الدنيا نعيش ونشوف
بشر افعالها بتجنن
وليه تقبل تعيش في الخووف
وسهل تعيشها متطمن
حياة حواديت يارحت ياجيت
وشر وخير وبينهم خيط
حياة حواديت يارحت ياجيت
وشر وخير وبينهم خيط
تشوفو بس لو حبيت

بنيجي الدنيا دي فمواعيد
ونمشي فوقت متقدر
ولو نحسبها صح اكييد
حنرتاح فالحياة اكتر
ويعني خلاصة الموضوع
حياتك قطر وبيمشي
في سكة بيبقى فيها رجووع
وسكة تروح مترجعش
حياة حواديت يارحت ياجيت
وشر وخير وبينهم خيط
حياة حواديت يارحت ياجيت
وشر وخير وبينهم خيط
تشوفو بس لو حبيت

انت عارف انت فاهم انت قاري كل حاجة
ليه يسوقك بس غيرك في الحياة بطل سذاجة
جنة ايه الي تروحها لو على حساب دم غيرك
لو كدة امال يعم النار دي معمولة لمين

انت جيت الدنيا تبني مش تهد الكون بايدك
ليه بقيت عبد لجنونك والشيطان بقى هو سيدك
بعد لما العمر يمشي قولي يومها من يفيدك
انت مش هتعيش حياتك بالمناسبة مرتين

غناء : محمود العسيلي & اصاله نصري

كلمات : امير طعيمة

الحان : ايهاب عبدالواحد

توزيع : النابلسي

السنة : 2017

ملاحظة : الاغنية من فيلم الخلية .

"