"اغنية تتبغدد علينا


تتبغدد علينا واحنا من بغداد
العب غيرها حظرة الاستاذ
غزال الرافدين يصيد ماينصاد
لملم هالشباك وروح ياصياد
الحب عاطفه ماهو غصب وعناد

اذا عندك دوا للعاشق المحروم
هموم اللي بصدري مامثلها هموم
رجعلي حبيبي حتى لو نص يوم
سكنت حي الاطبا وكل دوا مافاد
تتبغدد علينا واحنا من بغداد

من نبرة كلامك اعرفك من وين
كراده اعظمية الكسرة ابو سيفين
شواكه الفضل زيونة بتاوين
مو كل من يدندن صارلي عواد
تتبغدد علينا واحنا من بغداد

ياعمي بصراحة رايدين شهود
اموت بهالرشاقه وهالعيون السود
حاجزلك مرجع يلا لاهلك عود
لا بغدادي انت ولا اابن بغداد
تتبغدد علينا واحنا من بغداد


غناء : كاظم الساهر

كلمات : كريم العراقي

الحان : كاظم الساهر

مكس : ايهاب نبيل

ماستر : ايهاب نبيل

السنة : 2005

البوم : انتهى المشوار

"