"اغنية حبيبتي

حبيبتي لا من غديتي لي سراج اتبعه
وكني غديت من الظما اركض ويطردني السراب
لا تبخلين اليا شربتك ماشربتك من سعه
دامي من جروح الهموم الموجعه كلي صواب

اليوم مرتني السواني والفصول الاربعه
اليوم مريت المواني والمباني والسحاب
اليوم ماكني لقيتك مر صوتك ماسمعه
اليوم ما كني فقدتك من سؤالين وجواب

يابنت في خدك وهج سيل الشموس الساطعه
احرق بداخل داخلي انسان ماهو للتراب
واللي خلق ظلم الليالي بالعيون الهاجعه
اني من الحرمان اتسائل وحرماني جواب

يوم الوداع تخيلي مالي حبيب اوادعه
محروم انا وتخيلي محروم حتى من العذاب
يابنت لي قصه تطول بكلمتين موجعه
هي باختصار اني انا اركض ويطردني السراب

غناء : خالد عبدالرحمن

كلمات : طلال العبدالعزيز الرشيد ( الملتاع )

الحان : خالد عبدالرحمن

السنة : 1996

"