"اغنية زي مانت


انتي لسه زي ما انتي قمر في عيني
احلى عمر ده اللي كان بينك وبيني
واما تيجي في الكلام سيرتك بقول
دي حبيبتي الغالية دي بنت الاصول
مستحيل اقبل في حقك اي كلمة
انتي اعلى منهم فوق انت نجمة
واللي يسالني عليكي بقول دي نعمة
مستحيل اوصف جمالك مهما اقول
زي ما انتي
انتي عندي زي ما انتي
الغلاوة هي هي
والمشاعر متداريه

ده انتي سايبة جوة قلبي ذكرى حلوة
لسه صوتك بسمعه في وداني غنوة
دي الحقيقة ان الحياة بعدك ما تسوى
حبي ليكي كل يوم في البعد يقوى
سيبك انتي
عامله ايه وازيك انتي
دي الغلاوة هي هي
والمشاعر متداريه
زي ما انتي
انتي عندي زي ما انتي
الغلاوة هي هي
والمشاعر متداريه


غناء : عمرو دياب

كلمات : عزيز الشافعي

الحان : عزيز الشافعي

توزيع : نادر حمدي

السنة : 2020

"