"اغنية ساعات كتير

سنين فاتت عليا وقلبي على حاله
لا انا بنسى ولا قادرة اني اصفاله
بحبه لكني شايلة في قلبي منه كتير
ونفسي اقوله اني لحبه محتاجة
وفيه حاجز بيمنعني و100 حاجة
عشان ده جرحني في غرامه وجرحه كبير
وساعات كتير بحتاج للمسة من ايديه
واشتاق لحضنه ونظرة واحدة من عينيه
وانا رغم ده برجع واقول مش راجعة ليه
علشان بخاف ضعفي يبان ويحس بيه
ماقدرش اتحمل في يوم اصعب عليه
انا عندي اموت ولا اني اعيش اللحظة دي

يجيبوا في سيرته وقلبي يحن جوايا
وبحلم يبقى فيه للبعد ده نهاية
لامني نسيته ولا مني بعيش وياه
لايمكن غيره يسكن جوا احضانى
بموت من الشوق وعزة نفسب منعانب
اروحله واقوله ان انا لسه بستناه
وساعات كتير بحتاج للمسة من ايديه
واشتاق لحضنه ونظرة واحدة من عينيه
وانا رغم ده برجع واقول مش راجعة ليه
علشان بخاف ضعفى يبان ويحس بيه
ماقدرش اتحمل ف يوم اصعب عليه
انا عندى اموت ولا انى اعيش اللحظة دى

غناء : انغام

كلمات : امير طعيمة

الحان : محمد النادي

توزيع : حسن الشافعي

مكس : تامر الزؤيبي

السنة : 2009

البوم : نفسي احبك

"