"اغنية سجيت مع نفسي

سجيت مع نفسي وقبل اتنبه
قدام عيني مرت أيام عمري
حزني وفرحي والعدى والأحبة
وما فقت إلا وإبتسامة في ثغري

رغم اللي شفته من ألم من محبة
والين هذا اليوم من يوم صغري
تدري وش اكثر شي حصلي واحبه
شوف إنعكاس مرايتك وإنت تدري

شخصك و نورك هاللي سبحان ربه
في وصفهم يعجز ويحتار فكري
ما لك شبيه أصلا على شان اشبه
أبدا و لا به حد يهواك كثري

لو ينعصر عمري في كاسك واصبه
لا ما وفيتك يا حبيبي وعذري
وفاك وحبك يا دوى الهم و طبه
أكبر من ضلوع الحنايا في صدري

حبك عظيم خذ من القلب لبه
وحظي كبير فيك لله شكري
ولنك سعادة دايمة و مستتبه
لو قالو كم عمري / بقول إنت عمري

حبك في جوفي شي صعب ايتشبه
زايد و به يزداد قدرك و قدري
قلبك وطن وإحساسي شعب يحبه
وقلبي ملك و رضاك تاجي وقصري

غناء : ماجد المهندس

كلمات : انور المشيري

الحان : عصام كمال

السنة : 2019

"