"اغنية شخبارك


وين انت وشخبارك
يا مغرب عن ديارك
انا كل يوم اكحل ناظري بدارك
اتمشى تحت هالسور اناظر بيتك المهجور
وينك يا فنر هالبيت وينك
بعدك انطفى العالم
ما بقى بالشوارع نور

حبيبي حبيبي اذكرك بالخير
واشوفك روضي الاخضر واشمك ريحة النوير
ذبل هالورد بعد مافارق الساقي من يرويه
تعال ارجع اذا بعمري بقى باقي بشوفك فيه
وينك يا فنر هالبيت وينك
بعدك انطفى العالم

وين انت
انتهى العام وابتدى العام الجديد
وانته ناسينا اكيد
الله ما جنه في هالدنيا ورق ولا بريد
وانته بعيد تاحش السكه وانا فيها الوحيد
واللي بقى باب الحديد
وينك يا فنر هالبيت وينك
بعدك انطفى العالم
ما بقى بالشوارع نور


غناء : عبدالكريم عبدالقادر

كلمات : عبداللطيف البناي

الحان : عبدالرب ادريس

السنة : 1998

البوم : لا

"