"اغنية عيال زايد وعيال سلمان

من ملتقى عيال زايد والفخر سلمان
الى سمو الوفا محمد ولد زايد
نكتب رسالة شكر بالحب والعرفان
للقايد الوالد و للوالد القايد

يا رجال زايد مدام الله جمعنا
برجال سلمان والتاريخ يسمعا
بعزومنا يا رجال الطيب والعزه
الفخر له قيمته والمجد له معنى

يا رجال سلمان يا اهل الجود والطيبه
يا فخر شبه الجزيره لي نماري به
بالحب والطيب تكمل عزة الهيبه
مثل الذي يا قروم الفخر يجمعنا

نقسم بان الولا والسمع والطاعه
لله ثم للوطن والحب للقاده

من خير زايد تعلمنا نحب الخير
مثله خليفه وبو خالد بلا تقصير
والعالم بخير دام الخير فينا بخير
يا قبلة الطيب قلب الطيب موقعنا

سلمان حزم العروبه قايد الامه
بالعزم والحزم صدرنا على القمه
قلبه على امته وهمومها همه
واحنا على نهجه و مرجعه مرجعنا

نقسم بان الولا والسمع والطاعه
لله ثم للوطن والحب للقاده

بمحمدين الوفا قلب الفخر قلبين
بو خالد واخوه بو سلمان عن جيشين
لا يمكن بيوم يغلب عسرنا يسرين
والله معنا ونحن معهم وهم معنا

قلب الامارات حبه للسعوديه
بالمثل قلب السعودي صادق النيه
نبقى لبعضنا بعض سر وعلانيه
والحب دايم يجمعنا ويرفعنا

نقسم بان الولا والسمع والطاعه
لله ثم للوطن والحب للقاده

غناء : فايز السعيد

كلمات : سلطان مجلي

الحان : فايز السعيد

توزيع : زيد نديم

مكس : ماجد صالح

السنة : 2017

"