"اغنية فاكرني ياحب

اهو ده اللى كنت خايف منه
وعمري الخوف ما يرد قدر
عفريت الحب عليا حضر
وده قلبته سم وياما غدر
تاجر غشيم وتجارته قمار
يابتكسب دبل يا تروح هدر

فاكرني يا حب
انا زبونك السقع المضمون
كان قلبي هنا عندك مرهون
واديتني من الصنف المجنون
ابو العقد والذي منه
فاكرني يا حب
ايوه اللي غفلته عليك نور
ورجعتلك بعدها مقهور
وخدت غيره وبعد شهور
طلع اللي بعده اسخم منه

اكرمني ياحب المرادي
ماتشدش مني رف الماضي
متحطتليش فوق جرحي حجر

بتخم ياحب اولها كله بيبقى تمام
بس العيوب بتبان قدام
فجاة كده بتحصل قفلة
دي عيوب صناعة مش استخدام
بتخم ياحب على العموم غلطة وتتداوى
بدل الخير مش جر عداوة
انا عايز احب اغطس واقب
واطلع بقى بحاجة نقاوة
اكرمني ياحب وحياة ابوك
وهجيب صحابي ينفعوك
وفوق وخلي عندك نظر

غناء : عمرو دياب

كلمات : صابر كمال

الحان : وليد سعد

توزيع : احمد عادل

مكس : امير محروس

ماستر : امير محروس

السنة : 2020

البوم : يا انا يا لا

"