"اغنية فز الخفوق

فز الخفوق وقلت يالله عسى خير
أثر الليالي عاد غايب قمرها

مع شوفته نشوه و فزه و تخدير
و عيون خلان تعانق نظرها
يتوق قلبي له كما نزعة الطير
و الرجل كن اللي تحتها غدرها

يا صبح عمري يا صباح التباشير
نوره ملا قلبي و روحي غمرها
عقب الفراق اللي تعدى المحاذير
يبس غصون القلب جافي دهرها

ربع بروحي عقب ماهي معاسير
سحابة هلت بقلبي مطرها
واسقى بها زرعة هوانا بتقدير
غرسة غرام بالمحبة بذرها

ياعاذلين العين والله مخاسير
واللي درى عن حال عيني عذرها
تشوم عيني عن جميع الغنادير
وان ناظرت عيني في وادي نهرها

يا ناس احبه و المحبه مقادير
هذا هوى نفسي و هذا قدرها
و الحب ماله يا اهل الحب تفسير
قلبين و الله بالمحبه امرها

لا جيت اصور حالة الحب تصوير
و أرد عن حالي لخلي خبرها
لقيت وجدي فوق كل التعابير
كل الشعر قطره و شوقي بحرها

غناء : محمد عبده

كلمات : خالد الفيصل ( دايم السيف )

الحان : محمد عبده

"