"اغنية قصيدة قلب

طالع فعيني وشوف احساسي فعيني
ترجمني بصمت واقرأ كل ما فيني
صفحة عمري قصايد حب مكتوبه
كل التفاصيل فيها بينك وبيني

عمار حبك كتبني لك ويكتبني
وبسكر احساسك احساسي يذوبني
حبيتني لين كل شيء فيك حببني
من نبض قلبك لآخر نظره فعيني

أسقيتني العشق حتى ابتلت عروقي
وتعلم الشوق من شوقك ومن شوقي
تهديني الورد واهديلك على ذوقي
ورد(ن) شرب من غرامك في شراييني

ان جت عيونك في عيني والوله سلم
نظراتنا بالغلا والحب تتكلم
وايامنا من كلام الصمت تتعلم
كيف احكي بالصمت وانت بالصمت تحكيني

وياك اوقف عقارب أيامي
وأنسى معك دنيتي ما دمت قدامي
يا ماخذ(ن) بالهنا والفرحه أقدامي
تفداك روحي و تفدا سنينك سنيني

الله يخليك لي تاج(ن) على راسي
يا أول أول واخر اخر احساسي
قلبك بلادي وحبك أهلي وناسي
وانت عن الناس كل الناس تعنيني

غناء : راشد الماجد

كلمات : علي الخوار

الحان : شريفه احمد

"