"اغنية كان ياما كان

كان ياما كان فلانة فلان
وحيدة وقلبها بردان
حزينة ووردها دبلان
بتديها الحياة فستان
متلقاش ليها منه مقاس

وكان ياما كان فلانة فلان
معنداها الظروف تخبيط
وسحباها لبحر غويط
وهي مناها حلم بسيط
وبيت دافي وحضن امان

سنين احزان ما شافت فيها ليل هادي
ولا روح من الوجع خلاه
بتكسب حاجة من العادي
وتخسر حاجة من الغالية واه

واحدة بتنهار وتقوم وسط الحياة
ولا حد حاسس بيها
جواها سرب هموم
دبحوها يا ولا حد سمى عليها
عكس التيار بتعوم وكسرها الموج
وهي فاردة ايديها
حتى شوفوا عينيها عينيها
شايلين وجع مكتوم

قدام الناس بتقوم
رغم الظروف مش هتكسر يا سنيني
تقفل عليها الباب يسكنها خوف
وتقول يا حيطة داريني
عيني يا بنت الناس
دي الشيلة صعبة عليكي
وساكنة فيكي الاه
يابا اه

وكان ياما كان فلانة فلان
وراها قصة من الماضي
شبح مجهول ومش راضي
يسيبها تعيش وده العادي
من الدنيا ومن الايام

وكان ياما كان فلانة فلان
مفيش قدامها الا طريق
وقلب جبان وعقل جريئ
يا تبقى نهايته بلة ريق
يا تلقى في اخره موتة احلام

سنين احزان ما شافت فيها ليل هادي
ولا روح من الوجع خلاه
بتكسب حاجة من العادي
وتخسر حاجة من الغالية واه

واحدة بتنهار وتقوم وسط الحياة
ولا حد حاسس بيها
جواها سرب هموم
دبحوها يا ولا حد سمى عليها
عكس التيار بتعوم وكسرها الموج
وهي فاردة ايديها
حتى شوفوا عينيها عينيها
شايلين وجع مكتوم

قدام الناس بتقوم
رغم الظروف مش هتكسر يا سنيني
تقفل عليها الباب يسكنها خوف
وتقول يا حيطة داريني
عيني يا بنت الناس
دي الشيلة صعبة عليكي
وساكنة فيكي الاه
يابا اه

غناء : اصاله نصري

كلمات : عمرو حسن

الحان : محمد رحيم

توزيع : محمد رحيم

السنة : 2021

ملاحظة : من مسلسل بنت السلطان .

"