"اغنية كل ما اشوفك

كل ما أشوفك أبتسم من دون ما أشعر
وأقول في قلبي عسى الله يحفظك ليه
يا أغلى البشر خف عليه والله ما أقدر
يكفي محبه وغلا يكفيني حنيه

لا تندفع في غرامي لا تزيد أكثر
قلبي امتلى من غرامك هدي شويه
من كثر ما أحبك تخيل بس وتصور
أبيك ومابي غيرك من الدنيا موليه

كل لحظه حبك يالغلا في داخلي يكبر
الله على احساسك وطيبك والرومانسيه
غير الحلى والطيب تدري شو الذي يبهر
إنك بمعنى الكلمه يا أغلى الناس شخصيه

حتى كلامك لما تتكلم ترى يسحر
بالذات لما تقول وتتكلم بعفويه
الله لو تدري شكثر يالغالي أتأثر
لما تكلمني وإيدينك تحضن ايديه

غمض عيونك قرب إذنك راح أقولك سر
مابيك تزعل مني خل روحك رياضيه
في ناس غيرك ساكنين بقلبي وإنت حر
يشاركونك حبي لك ميه على ميه

حلوه ولكن لا تكررها ولا تغتر
وقفت قلبي بهالحكي يا مبيت النيه
راضي أنا لو شاركوني بحبك وبفخر
أمك وأبوك بنص قلبك وما بقى ليا

غناء : ماجد المهندس & حسين الجسمي

كلمات : اصايل

الحان : عبدالله الجاسم

السنة : 2011

"