"اغنية لا ترجع بقرارك

خليك كد كلمتك
هذا تره اختيارك
لاترجع ابقرارك
اني خلص تركتك
واتجاوزت محنتك
انته الردت نتفارك
ع الفركه ماجبرتك
خليك كد كلمتك

شسويت بيه من رحت
لك راد يوكف كلبي
راجعلي من فات الوكت
كلفت نفسك حبي

موكتلي مانرجع بعد
شخلاك ترجع يمي
شوماصرت كد الوعد
يابو عذابي وهمي

ع الشفته من عشرتك
ياريت ماعرفتك
خليك كد كلمتك

كلبي بده يحب غيرك
من صرت ماتهمتلي
اشكرك لاترجعلي
طلعني من تفكيرك
انته شفت مصيرك
موبدلتني ابسرعه
من انتهت مصلحتك
خليك كد كلمتك

ماريد اتذكر شخص
دمر حياتي ابحبه
البينك وبيني خلص
وكلمن يحير بكلبه

صدكني كلبي ينقبض
من اذكر السويته
بس لان من الله العوض
عوضني بالحبيته

من الذاكره مسحتك
يامرحله وعبرتك
خليك كد كلمتك

غناء : جعفر الغزال

كلمات : رامي العبودي

الحان : علي صابر

توزيع : عثمان عبود

مكس : علي رمضان

ماستر : علي رمضان

السنة : 2021

"