"اغنية مافي مثل الام

مثل ما نبضات قلبي انطق اسمك لا ارادي
في ذهابي و الايابي غير يا امه ما انادي
في وجودي في غيابي دعوتك توصل فؤادي
ياالي في حضنك الاقي راحتي وفرحي ومرادي

من هو غيرك يحتويني
و يمسح الدمعة بعيني
غالية يا امي الحنونه
يا بعد عمري و سنيني

ما ابي الدنيا بلاها
امي ما عندي سواها
يا الله احفظها وطول
عمرها وثبت خطاها

رضى ربي من رضاها
ويل من قصر معاها
ياالي امك صوب عينك
امك لعينك ضواها

كلما حاولت اوصف يعجز الحرف ب لساني
لو بقية عمري اوقف اخدم بروحي و كياني
واهجر العالم عشانك واوهبك حبي وحناني
ما اوفي بعض حقك لو عطيتك كل زماني

من هو بصغري وشبابي
و اول و اخر كتابي
كان يرعاني بحبة
محدن غيرك درى بي

من تعب مثلك و عانى
من سهر لاجلي زمانه
من حملني من هو ربئ
من هو رضعني حنانه

دنيتك تحلى بحلاها
طيعها وخلك معاها
مافي مثل الام واسئل
من فقدها كم بكاها

ما يكفي وصفك اكبر من كلامي و العبارات
ميزك رب الخلايق انتي في كل الديانات
جنتي بادنى رجولك يحفظك رب السماوات
وانتي في دنياي جنه وانتي في اخراي جنات

يا اصيلة في فعالك
يا اميرة في دلالك
امي يا امي يا يمه
ياجعل روحي فدالك

اوعدك يا امه اصونك
وافدي بروحي عيونك
امه يا يمه يا امي
ما ابي الدنيا بدونك

ادعي تبقى لك عساها
واركض ودور رضاها
حظ من هو راضيه امه
عنه تدعي له بدعاها

غناء : محمد الزعابي

كلمات : محمد القاسمي

الحان : محمد الزعابي

توزيع : حاتم منصور?

مكس : محمد عصمت

ماستر : محمد عصمت

السنة : 2019

"