"اغنية ياعز راسي

طوقتني يا سيدي بالشرف طوق
ياعز راسي يا ولد تاج راسي
سلطان ما يمشي على الارض مخلوق
مثلك يماري طيب راس وباسي
من كل مجد ماخذ الطاق مطبوق
طيب ووفا وابلج حجاج وسياسي
ولو تلمس بكفك على الارض من فوق
تفجرت ينبوع عقب اليباسي
انت الدوا للي من الوقت به عوق
وانت النعاس لعين جافي النعاسي
وانت بزمانك مجد ماهوب ملحوق
فيك المعالي شامخات رواسي
لك في الكرامة حب عاشق ومعشوق
ولك في الشجاعة من معزي مراسي
ولك في الوفا طبع يسوقك له الشوق
ماهوب يوم تذكر ويوم ناسي
ولك في الكرم من بد خلق الله طروق
عنا بها الشادي بليل غلاسي
يدري بها الراعي على جرة النوق
وتدري بها الحكام لين وقاسي
من طاب مره يرفع الراس ويتوق
يمشي على البيدا بفخر وحماسي
وانته بطيبك كل يوم لك بروق
الطيب والله فيك يا عز راسي

غناء : محمد عبده

كلمات : فواز بن عبدالله

"