"اغنية يا بلدنا يا حلوه


يابلدنا ياحلوة بالناس الحلوة
والناس الحلوة في بلدنا كتير

في وشوش سمرا وجميلة تقابلهم تبتسم
أسوان والنوبة عيلة صورة حلوة بتترسم
المنيا سوهاج قنا في القلب قريبين
الاقصر أسيوط بيوت بالجدعنة معروفين

خدلك هنا أحلى صورة منصورة بأهلها
دي محلة جمالها حلى الدنيا كلها
على راس البر روح واتفرج عالجمال
أشمون واخدة العيون والقعدة هناك خيال

الشرقية الأصيلة أهلي وبلد الكرم
قلبي علي أرض سينا رفرف زي العلم
وحشاني يابورسعيد وأسماعيلية كمان
ياسويس أنا اقول واعيد عن أبطالك زمان

شبرا ومصر القديمة ماري جرجس والحسين
وكنيسة في وش جامع في بلدنا العيد عيدين
أطلع عالاهرامات علشان حبك يزيد
هتعشلك أحلى يوم دي الفيوم مش بعيد
صبح ع أسكندرية على ناسها وأهلها
أيام غالية عليا في العجمي وشطها
ماتروح مطروح كمان حبايبنا الطيبين
شايف سحر المكان هتلاقي ده كله فين

في بلدنا الحلوة بالناس الحلوة
والناس الحلوة في بلدنا كتير


غناء : عمرو دياب

كلمات : تامر حسين

الحان : عزيز الشافعي

توزيع : طارق مدكور

السنة : 2020

"