"اغنية يا مبرقع الطير

يا مبرقع الطير خل الطير وعيونه
لا تحجب النور خله يشعل ايامي
راعي الهوى لو عن احلامه تردونه
يقطع دروب الخطر لعيون الاحلام

يصبر على الوقت صبر ما تطيقونه
كله لعين الحبيب وحبة السامي
ويكتم بقلبه جروح الوقت وطعونه
ويعيش اسير السهر ودروب الاوهام

وين انت ياللي معاك الروح مرهونة
ليتك تحس بغلاي وجرحي الدامي
يالدرة اللي بوسط القلب مصيونة
يا فرحتي في الحياة ومصدر الهامي

عليك قلبي يتوق وجنة جنونة
الين همت بغلاك وخافقي هامي
والعاذل اللي عذلني خابت ظنونة
ما يدري ان الهوى في خافقي حامي

يا ناس قلبي واعرفة لا تعذلونة
انا اعرف الراي واعرف خطوة اقدامي
تريحوا واتركوا قلبي و مضنونة
مادام قلبي لشوفة جايع وظامي

والله لو حطوا الموت الحمر دونة
لاجيه لو كان موت الروح قدامي
وان باح سدي عليه وباح مكنونه
ماجف دمعي عليه وجفت اقلامي

غناء : اصيل ابوبكر

كلمات : ناصر بن حمد ال خليفه

الحان : احمد الهرمي

السنة : 2011

"