"اغنية يوم تلات

يوم تلات تلت بنات نداهوني
عالبساط بصات ياناس عجبوني
قعدة وإنبساط غدا وعزموني
فتفتوا الفتافيت وفتنوني

شكلها مؤامرة أعشق السمرا
ولا أعشق البيضا أم الخدود حمرا
الحياة حلوة، ويا أم روح حلوة
كلهم حلوين جننوني

كل ما أجي أقوم أقول خليني
منتهى الجمال جمال علي عيني
أمشي من المكان ده أيه يمشيني
لمة الحلوين بتغريني

شعرهم حرير يطير قدامي
صعب أشوف ده غير غير في أحلامي
سحرهم خطير يوصف أيه كلامي
يوم تلات وبكل أيامي

كل عود وعود أحلى مالتاني
قلبي لم يعود ليا من تاني
كان في أيدي عود قلت بيه أغاني
والصباح رباح ياللي عجباني

كلمة كلمتين الليل قوام ليل
عشنا يوم جميل أحلى ما أتخيل
واحدة واحدة عليا بتميل
لو هعيش عمري هنا قليل

غناء : عمرو دياب

كلمات : تامر حسين

الحان : عزيز الشافعي

توزيع : اسامه الهندي

مكس : اسامة الهندي

السنة : 2020

"