وادي آخر عيل في ولادك سهانا وتاه


وطلعنا ننادي بمنادي علشان نلقاه


ونادينا لعم الدرويش


وعملنا اللحمه في العيش


وسألنا الشرطة والجيش


وكان صوتنا بيجاوبه صداه


وادي آخر عيل في ولادك ضاعت أراضيه


من يوم ما الحاضر بقى غايب تايه في ماضيه


والصوره باهته ودبلانه


وبالصوره راضيه وقبلانه


وبترضي فلان ويا فلانه


وابنك نسيانه تراضيه


وادي آخر عيل في ولادك تاهت مرساه


وياخوفي وزي باقي اخواته ييجي يوم ننساه


ودا آخر صبرك ياحزينه


في الحيله هاتاخدي تعازينا


بنحبك طب ليه تجازينا


بالتوهه في بلاد الله