أديب ولكن على قدي


مهداه للأستاذ سعد سليم


.......



أديب ولكن على قدي


أسرع شويه وأهدي


حسب التساهيل


على قدي تلاقيني باعافر


وجوعي للأشعار كافر


وساقيني الويل


اكتب وشويه وأشخبط


ساعه صح ومتظبط


وساعات بيميل


وفجأه ألاقيه قدامي


وكأنه قاري لإلهامي


وبحس جميل


وبإحب ينصح كالعاده


محتاج هنا لحرف زياده


أو حرف تشيل


بنصايحه أبدأ وأكمل


تلافي العمل اتجمل


بعد التعديل


غواص ف بحرك ياقوافي


غواص ف بحرك ياقوافي


سليم في شِعره ومتعافي


لو تاخده دليل


ف الشعر مدرسه للتعليم


واسمه طبعا سعد سليم


مصري وأصيل