مانيش قادر


أكمل رحلتي معايا


هوايا واخدني ومغرب


ولايوم جه على هوايا


......



خلاص مَلْيت


وألف ياريت بتتنطط


سجينه معايا جوايا


وياحكايه


لاليها طريق ولا مَرسى


وأبطالك


قلوبهم يوم بيوم تقسى


وعاوز انسى


ومش قادر


وكل ما أنسى اقوم فاكر


بإن الخطو متعسر


وإن العزم متكسر


وبُرجي خلاص بيتفسر


ماانا موعود


ورجلي ف سكه واخداني لطريق مسدود


وكل الحُب جوايا


بيرجعلي جحود في جحود


ياسكه لفين هاترميني ؟


كلابك لسه منتظره


علي شمالي وعلي يميني


وطيرك سن منقاره


وعلي موتي بيغريني


خلاص مليت


وألف ياريت بتدبحني


بسكين أصدى من صبري


وألف ياريت بتلفحني


بنارها وتكوي في صدري


وأقول يامين يريحني ؟


يجاوب لي سؤال عمري


أنا اللي اخترت ؟


ولا دا ..


نصيبى و قسمتي وقدري ؟؟