وغريب بينادي غريب


والغربه بحور


مالهاشي جرار


ولافيها وليف


ولاليها نهار


والمركب شاخت


والسوس عاينخور في جدورها


منتظره الشط


وبتحلم بيه


نفساتها تشوفه ويحضنها


وتغوص ف عينيه


نفساتها تحس بطعم الارض


أباي ياغريب


لساك عاتدور علي تعاليل


ماخلاص ياغريب وصبحت عليل


ومابين تعا صبح


وما بين تعا ليل


الحلم اتسرسب من إيدك


وهلالك أهو فارج عيدك


والعتمه أهي فارده قدامك


ولاعادلك مرسي لأقدامك


ماتبطل عند وفوج أمال


لساك عاتحب تكون سواح


لساك عاتحب تكون رحال


لساك عاتدور علي نفسك


لساك متبت علي يأسك


لساك عاتلف كمان وتدور


وتموت عشطان وف وسط بحور


ماقالوها نصيحه ياولد زمان


دا المالح عمره مايروي البور