توت توت


كله حاكمنا بالنبوت


وعيني علينا


زي ماروحنا زي ماجينا


وأدمنا ضرب الشلوت


.......


توت توت


إوعي ف يوم أسمعلك صوت


إكتم نفسك


إبلع جرحك جوه ف يأسك


ولو سألوك قول كده مبسوط


..........


توت توت


من أيام توت عنخ أموت


نفس العيشه


أكلنا حاف ولبسنا خيشه


عيش هلفوت هاتموت هلفوت


.........


توت توت


والعفاريت أشتات أشتوت


سكنوا الدار


ولانافع رقيه ولا زار


يطلع واحد .. عشره تفوت


.........


توت توت


مش لاقيين حتي السحتوت


كتبوا علينا


نجري كده من مينا لمينا


علشان نلقي يادوب القوت


من أيام توت عنخ أموت