وتشهد ليها تواريخها


وتحكي عليها وتحاضر


ويكتبها الزمان مقالات


وبيسجلها في محاضر


ولو سألوني عنها أقول


دا هيا الماضي والحاضر


ولو تنده عليا في يوم


أرد بسرعه أقول حاضر


ولو آخر نفس فيا


ونبض عروقي بيحاضر


أجيلها حتي لو زاحف


في لحظتها أكون حاضر


............


إحنا المصريين جدعان


وقت الشده الحب يبان


نغضب ؟ ممكن


نشتم ؟ ممكن


نكرهك ؟ أبدا ولا يُمكن


أصل هواكي في قلبنا ساكن


وجوه الروح قاعد متمكن


...........


ولما نسافر أرض غريبه


وياويلنا لو طالت الغيبه


نشعر إن الموت بيقرب


وحياتنا بقت مُره كئيبه


وتبقي ايامنا اللي كرهناها


واحنا معاكي أجمل ذكري


ونتمني لو ترجع ليله


من لياليكي ياأغلي حبيبه


.............


ولو فيه مره علينا تنادي


محتاجه إيديكوا يااولادي


لو في عمار ؟ كلنا رجاله


نتسابق فوق السقاله


لو ف الحرب أرواحنا فداكي


فدا طوبه وطينه ف بناكي


أتمني يكون فيكي مماتي


زي ماشرفتيني في ميلادي


........