احنا الشباب اللي


واسمعها ياخلي


احنا اللي بنوطي


واحنا اللي بنعلي


000


احنا الشباب الزين


وبنحكم الدفه


وبنعدل الموازين


لو طبت الكفه


000


احنا الشباب شوفنا


ودقق النظره


لا من عصا خوفنا


ولا تغرينا الجزره


000


احنا شباب ثوره


وكتافنا تحملها


احنا أمل بكره


حالفين نكملها


000


ياحلمنا يابعيد 00 هانقول كمان ونعيد


مهما يغيب العيد 00 في ودانا تكبيره


ولا بد يوم هايعود 00 حق محمد محمود


مجلس الوزرا شهود 00 على دم ماسبيرو


000


احنا الشباب الجد


ماسك بإيده مصير


من غير وصاية حد


ولا محتاجين تفاسير


000


احنا الشباب عارفين


آخر طريقنا لفين


يا موت 00 يا حريه


وفي الطابور واقفين