عيونك شمس
لسه بتلملم في حروفها
خجلانه ودايبه في كسوفها
وتزغلل عين اللي تشوفها
هاتخلي الدنيا الغداره
تضطر وتلبس نضاره
ولو عندها مجلس وإداره
تيجي وتتقدم بكشوفها
وعيونك صبح
يطلع ويصبح ع الحاره
ويرطب أجوائها الحاره
وبالفرحه يدهنها محاره
ويرش ويكنس قدامها
وحُفرها هايقدر يردمها
ودا كل الحاره هاتخدمها
ماهي نظرة عينك سحاره
وعيونك ليل
ييجي بنسيمه وبيمسي
ويادنيا علشان ماتحسي
هانجيبلك ترابيزه وكُرسي
ونقولك أؤمري ياأميره
لو عايزه شاي مع تعميره
أو نفسك في كاسين م البيره
هايظبطوا دماغاتنا وترسي
وعيونك سهم
بحلم به نايم أو صاحي
لو يعلى يظبطلي صباحي
ولو يهبط بيكون دباحي
ماهي شركه وراسمالها إحساسنا
أرباحها راح ترفع راسنا
إفلاسها إعلان إفلاسنا
في خسارتي شريكه وف ارباحي
18 يونيه 2014
لسه بتلملم في حروفها
خجلانه ودايبه في كسوفها
وتزغلل عين اللي تشوفها
هاتخلي الدنيا الغداره
تضطر وتلبس نضاره
ولو عندها مجلس وإداره
تيجي وتتقدم بكشوفها
وعيونك صبح
يطلع ويصبح ع الحاره
ويرطب أجوائها الحاره
وبالفرحه يدهنها محاره
ويرش ويكنس قدامها
وحُفرها هايقدر يردمها
ودا كل الحاره هاتخدمها
ماهي نظرة عينك سحاره
وعيونك ليل
ييجي بنسيمه وبيمسي
ويادنيا علشان ماتحسي
هانجيبلك ترابيزه وكُرسي
ونقولك أؤمري ياأميره
لو عايزه شاي مع تعميره
أو نفسك في كاسين م البيره
هايظبطوا دماغاتنا وترسي
وعيونك سهم
بحلم به نايم أو صاحي
لو يعلى يظبطلي صباحي
ولو يهبط بيكون دباحي
ماهي شركه وراسمالها إحساسنا
أرباحها راح ترفع راسنا
إفلاسها إعلان إفلاسنا
في خسارتي شريكه وف ارباحي
18 يونيه 2014
الأقسام الرئيسية
الأكثر مشاهدة من نفس التصنيف
![قصيدة وإيه يعني الشاعر أشرف فايز](images/no-image.jpg)
قصيدة وإيه يعني الشاعر أشرف فايز
12/7/2022
![قصيدة عصفوره الشاعر أشرف فايز](images/no-image.jpg)
قصيدة عصفوره الشاعر أشرف فايز
12/7/2022
![قصيدة حُكم العسكر الشاعر أشرف فايز](images/no-image.jpg)
قصيدة حُكم العسكر الشاعر أشرف فايز
12/7/2022
![قصيدة مِش مُشكله الشاعر أشرف فايز](images/no-image.jpg)
قصيدة مِش مُشكله الشاعر أشرف فايز
12/7/2022
الرأي الأخر
0