مرمر زماني ... يازماني مرمر


مرمرتني ....لابُد ماتتمرمر


............



مرمر زماني ... يازمان مش ليا


والدمع غالي ... ليه وعز عليا


كانوم لآلي ... ساكنه جوه عينيه


طلعوم صَّدّف ... كله قام اتكسر


...........



مرمر زماني ... آه ياطير مدبوح


رقصك ده ولا ؟ ... وجع المجروح


إحكي الشكاوي ... قوم بِسرك بوح


بوحك ياطيري ... حلمنا المتعسر



............



مرمر زماني ... يازمان مايواسي


والغربه صارت ... ليا أهلي وناسي


خايف يموت ... فيا يوم إحساسي


بيك ياوطن ... وانت مابتتأثر



............



مرمر زماني ... ياعيون لا تنامي


أحسن يزورك ... حلم عمري الدامي


خليكي صاحيه ... حاضنه ليل أيامي


لا الفجر ييجي ... بزيارة العسكر



............



مرمر زماني ... يازمان كداب


واللي إستشار... قالوا مايوم خاب


طلبنا شورة ... أغلي ناس أصحاب


ردوا المشوره ... بضمير متعكر



............



مرمر زماني ... آه يامُر زماني


السِكه طالت ... والطريق أضناني


والغُربه مُره ...ويامراري ياني


وحضن الوطن ... يبقي طعم السُكر


مرمر زماني ... يازماني مرمر


مرمرتني ...لابُد ماتتمرمر


............