"اغنية خادع و مخدوع

انا لي تجربة بالحب راحت سبة عنادي
نعم هذي الحقيقة بس لا خادع ولا مخدوع

هذاك اللي له سنين يهني بعيد ميلادي
حوالي الهدايا والهدايا بالغياب تلوع

يميني صورته لكن يمينه مدت بعادي
مشا مامن سبب يشرح جفاه ولاعذر مشفوع

عطيته وان عطا زدته عطا لو بنحرم زادي
اخاف يجوع واثره لاشبع يذبحني من الجوع

اقول ان نمت يمكن لو يسير حلمي برقادي
لقيت ان السهر كحل سواد بالعيون يروع

وابد توي غفيت ومامداني قلت ياهادي
طرت لحظة فراقه بالمنام وقمت له مفزوع

انادي وين رايح والغلا توه معك بادي
كذبت الا غلاه بوسط قلبي ثابت مطبوع

انادي حي لكن لا حياه لمن له انادي
صدى صوتي سمعته بس مامن صوت له مسموع


غناء : عبدالكريم عبدالقادر

كلمات : بندر السعيد

الحان : مشاري العوضي

توزيع : مشاري العوضي

مكس : صهيب العوضي

ماستر : صهيب العوضي

السنة : 2021

"