"اغنية عيد حبي

إيه أحبك وأحبك والله إني أحبك
حبك الي تمكن من خفوقي وعيني

عيد حبي وحبك عيد قلبي وقلبك
بيننا شي غالي بس بينك وبيني

الثواني يا عمري ليتها بس قربك
عز قلبي لشوفك يا كثر حاسديني

الوله في لقاتك بس يا وين دربك
وينك انت حبيبي عن دروبي وينك

ياسليل المعاني والعرب تفتخر بك
ريم تواق حبك لو تمر السنيني

المشاعر تراقص والمعالي قطر بك
كل ما مر طيفك ذا العشق ينتشيني

يا بعيد المسافه يا ظمايه لشربك
من مطار المحبه جبت كلي حنيني

يشتكي الوقت دونك والوله يعتذر بك
شوف كيف المحبه باينه وسط عيني

ربي يا في المحبه سيدي هو ربك
زاد فيني غرامك واستبدت عنيني

ودي اسمع حبيبي يا حياتي احبك
ودي في المحبه سيدي تحتويني

المحبه حبيبي هو بذني و ذنبك
ذبت انا في غرامك والهوا والحنيني

ايه احبك عساني فدوه لك ولقلبك
ايه احبك وانا لك عاشق من سنيني

غناء : فؤاد عبدالواحد & يارا

كلمات : ريم تواق

الحان : فايز السعيد

السنة : 2010

"